أنا هحكيلكم حدوتة حدوتة مش ملتوتة
حدوتة نظام قديم كان ماسك بقالوا سنين
كان بيعمل فى الملايين و الناس مش لاقيين
ناس عايشة فى فلل و قصور و ناس بتموت فى الجحور
ناس كانو متنعميين و ناس تانى مش عايشين
بقانون طوارئ محكومين و لتتكلم هتروح فين.....
لو فكرت تقول ده حرام هتتبهدل فى الاقسام
و فى المعتقلات هتعيش و تشوف اسود ايام
كانوا فاكرين انها هتدوم ليهم طول السنين
لحد ما ربنا اراد و بعتلنا شباب حلوين
شباب كانو اجمل ازهار فى اجمل بساتين
قالوا لأ كفاية بقى على الظلم تانى مش ساكتين
قالوا كفاية سرقة و نهب قالوا احنا حقنا عايزين
عايزين سنين عمرنا اللى ضاعت و احنا ضايعين و تايهين
عايزين عدالة اجتماعية عايزين حق الملايين
و قتلهم رصاص الغدر من حكومة غدارين
نحسبهم فى جنة ربنا عايشين و متهنين
و احنا خلاص مش هنسكت مش هنكون تانى خايفين
كفاية بقى استبداد و ظلم كفاية نعيش مقهورين
ليست هناك تعليقات:
إرسال تعليق